طريقة عمل تحديث Software او استعادة ضبط المصنع للـ iPhone او iPad من خلال iTunes

احيانا بتواجهنا مشاكل في التلفون وبنحتاج نعمل تحديث او استعادة ضبط المصنع من خلال iTunes، هنشرح النهاردة ازاي ممكن تعمل ده بنفسك من غير متروح لأي مكان بطريقة سهلة وبسيطة، وتحديدا هنتكلم على حالة التعليق على لوجو Apple.

الأدوات

كل الهنحتاجة هيكون الكابل usb الاصلي او نوع معتمد، كمبيوتر او Laptop اي نوع مش شرط Apple ويكون متثبت علية أحدث إصدار لبرنامج iTunes، وطبعا يكون في نت ثابت خلال الخطوات دي كلها.

الخطوات

1) في البداية هتوصل التليفون بالكمبيوتر او بالابتوب بتاعك، وتفتح برنامج iTunes، لو ظهرت الرسالة الي في الصورة دي  يبقى تمام وكمل للخطوة البعدها،

ولو مظهرش هتحتاج تعمل الخطوة دي والجهاز متوصل بالكمبيوتر والـ iTunes  مفتوح :

• لو موديل جهازك قبل iPhone 7 دوس Hold على (زرار Home + Power مع بعض لحد ما علامة التوصيل  تظهر على التليفون)
• ولو  7 أو 7Plus دوس Hold على (زرار Power + خفض مستوى الصوت مع بعض لحد ما علامة التوصيل  تظهر على التليفون)
• لو موديل جهازك 8 او بعدة ، دوس دوسة واحدة Click على زرار رفع مستوى الصوت وبعد كدة click واحدة على توطية الصوت وبعد كدة دوسة طوييييلة على Power لحد ما علامة التوصيل  تظهر على التليفون.

2) في المرحلة دي للأسف مفيش امكانية لعمل Back up  فننصح بإختيار Update الاول .

2) هيجيلك رسالة بتقول لو منفعش نعمل update هيتم عمل استعادة ضبط المصنع وبالتالي كل حاجة على الجهاز هتتمسح. اختار Update

بعد كدة Next وبعدين Agree .

هيبتدي الـ iTune  يعمل Download  للـ software  الجديد ويعملة Installation على الموبايل الخطوة دي مش محتاجة منك حاجة غير النت يكون ثابت وسريع، والموبايل ميفصلش من الكمبيوتر لحد ما العملية دي تتم.

ولو واجهتكم اي مشاكل او عندكم اي استفسارات تواصلو معنا من خلال WhatsApp او اتصلو بنا على 01288908842 يوميا من الساعة 10ص ولحد 8م ماعدا الجمعة.

قولولنا حابين نتكلم عن ايه في البوست الجاي ؟